پاکستان کرکٹ ٹیم کے ہیڈ کوچ عاقب جاوید نے کہا ہے کہ بھارت کے خلاف کچھ خاص کرنے کی کوشش کریں گے۔دبئی میں پریس کانفرنس کرتے ہوئے قومی مینز ٹیم کے ہیڈ کوچ کا کہنا تھا کہ پاکستان اور بھارت کے میچ کا نام ہی کافی ہے۔ سارے شائقین کو اسٹیڈیم سے باہر نکال دیں پھر بھی پاک بھارت میچ کا دباؤ رہے گا۔انہوں نے کہا کہ دباؤ کو مینج کرنا ہی کھلاڑیوں کا کام ہے۔ پاک بھارت میچ سے دباؤ ختم کردیں تو کیا بچے گا؟ دباؤ کا ہی تو مزا ہے۔ پاک بھارت ٹاکرا ہائی وولٹیج، دلچسپ اور کرکٹ کی روح ہے۔عاقب جاوید کا کہنا تھا کہ ہمارے پلیئرز دبئی کی کنڈیشن سے واقف ہیں، ہمیں اپنی صلاحیتوں کے مطابق کرکٹ کھیلنی ہے۔ بھارت کیخلاف کچھ خاص کرنے کی کوشش کریں گے۔فخر کو سائیڈ اسٹرین کی تکلیف ہوئی ہے، عامرانہوں نے یہ بھی کہا کہ پاک بھارت میچ میں میدان خالی بھی کردیں تو بھی دباؤ رہے گا، یہی مزا ہے۔ پلیئرز کو بتایا ہے کہ اپنے ٹیلنٹ کو دنیا کے سامنے پیش کریں، دباؤ کو انجوائے کریں۔ہیڈ کوچ مینز کرکٹ ٹیم کا کہنا تھا ہمارے پاس فاسٹ بولرز میچ ونر ہیں۔ شاہین شاہ آفریدی اور نسیم شاہ سے کافی امیدیں ہیں۔ بھارت کیخلاف میچ ایک موقع ہے کہ ٹیم اور کھلاڑی دنیا کے سامنے اپنا نام کما سکتے ہیں۔