"اکشے، سیف کو ایک کونے میں لے گئے اور کہا، 'دھیان سے رہنا، یہ لڑکیاں خطرناک ہوتی ہیں اور ان کے خاندان کو میں اچھی طرح جانتا ہوں، ذرا سنبھل کر آگے بڑھنا'۔ لیکن سیف نے ہنستے ہوئے جواب دیا، 'نہیں، میں اسے سمجھ چکا ہوں۔'"
بالی ووڈ کے مشہور ستارے سیف علی خان اور کرینہ کپور کا رشتہ آج بھی مداحوں کے دلوں کو گرماتا ہے، لیکن اس حسین کہانی کے آغاز پر اکشے کمار نے ایک نہایت سنجیدہ وارننگ دی تھی۔
جنوری 2022 میں ٹوئنکل کھنہ کے شو 'ٹوئیک انڈیا' میں کرینہ کپور نے ہنستے ہنستے بتایا کہ فلم 'ٹشن' کی شوٹنگ کے دوران اکشے نے سیف کو ان سے خبردار کرتے ہوئے مشورہ دیا تھا کہ "ان لڑکیوں سے بچ کے رہنا، یہ اور ان کا خاندان خطرناک ہیں!" اکشے کا انداز ہنسی مذاق کا تھا، مگر اشارہ صاف تھا کہ کرینہ کے معاملے میں سوچ سمجھ کر قدم اٹھانا۔
کرینہ نے بتایا کہ وہ سیف کے ساتھ پہلے بھی کئی فلموں میں کام کرنے کی خواہش مند تھیں لیکن تقدیر نے انہیں 'ٹشن' میں ایک ساتھ لے آیا، جہاں ان کے درمیان ایسی کیمسٹری بنی کہ دونوں ایک دوسرے کے اسیر ہو گئے۔
لداخ کی خوبصورت وادیوں میں فلم کی شوٹنگ کے دوران، سیف اور کرینہ کے دلوں نے خاموشی سے ایک دوسرے کو چن لیا۔ جلد ہی، 2007 میں، سیف نے ایک عوامی تقریب میں سب کے سامنے اعلان کر دیا: "ہم ساتھ آئے ہیں، ہاں، ہم ایک دوسرے کے ساتھ ہیں اور خوش ہیں۔"
سیف اور کرینہ نے اپنی محبت کو خوبصورتی سے جیا۔ پانچ برس تک ساتھ رہنے کے بعد، 2012 میں وہ ایک سادہ اور پرخلوص تقریب میں ہمیشہ کے لیے ایک دوسرے کے ہو گئے۔ اب ان کے دو پیارے بیٹے، تیمور اور جہانگیر (جے) ہیں، جو اپنے ماں باپ کی زندگی کو اور بھی خوبصورت بنا رہے ہیں۔