کراچی کی راشد منہاس روڈ پر واقع ایک بڑے شاپنگ مال میں اچانک آگ بھڑک اٹھی، جس کے باعث علاقے میں خوف و ہراس پھیل گیا۔ فائر بریگیڈ کی چھ گاڑیاں فوری طور پر جائے وقوعہ پر پہنچ گئیں اور آگ پر قابو پانے کی کوششیں شروع کر دیں۔ ریسکیو ٹیموں کے مطابق شعلے مال کی تیسری منزل پر قائم سیکیورٹی کنٹرول روم سے بلند ہوئے، جنہوں نے دیکھتے ہی دیکھتے دیگر فلورز اور متعدد دکانوں کو لپیٹ میں لے لیا۔ صورت حال سنگین نہ سہی مگر تشویشناک ضرور تھی، جس کے پیش نظر قریبی رہائشی عمارت سے لوگ باہر نکل آئے۔ خوش قسمتی سے کسی قسم کی جانی نقصان کی اطلاع موصول نہیں ہوئی اور تمام افراد محفوظ رہے۔ @subhansiddiqui116 Millennium Mall Gulistan e jauhar 5 :30 am ♬ original sound - Subhan Siddiqui حکام کا کہنا ہے کہ آگ لگنے کی وجوہات کا تعین کیا جا رہا ہے، جبکہ متاثرہ علاقے کو سیل کر کے مزید نقصان سے بچانے کی کوششیں جاری ہیں۔