دنیا کی سب سے مقبول میسجنگ ایپلی کیشن واٹس ایپ میں ایک نیا اور مفید فیچر متعارف کروایا جا رہا ہے، جس کا مقصد صارفین کے لیے بات چیت کو زیادہ منظم اور آسان بنانا ہے۔ میٹا کی ملکیت واٹس ایپ اب صارفین کو یہ سہولت فراہم کرے گی کہ وہ میسجز کا جواب تھریڈ کی صورت میں دے سکیں — یہ فیچر اس سے پہلے فیس بک اور ایکس (سابقہ ٹوئٹر) پر دستیاب رہا ہے۔موجودہ نظام میں ہر میسج کا ریپلائی الگ الگ دکھائی دیتا ہے، جس سے پرانے ریپلائیز کو تلاش کرنا مشکل ہو جاتا ہے۔نئے فیچر کے تحت گروپ چیٹس میں تمام ریپلائیز اوریجنل میسج کے نیچے ایک تھریڈ کی شکل میں ظاہر ہوں گی، جس سے گفتگو کا سیاق و سباق واضح اور آسانی سے سمجھ آ سکے گا۔رپورٹس کے مطابق جب کوئی صارف کسی میسج پر ریپلائی کرے گا تو اوریجنل میسج پر ایک چھوٹا سا آئیکون نمودار ہوگا، جس پر کلک کرنے سے اس میسج سے جڑے تمام ریپلائیز ایک جگہ دیکھے جا سکیں گے۔اس کے علاوہ صارفین اسی تھریڈ میں نئے ریپلائیز بھی شامل کر سکیں گے، جس سے مخصوص موضوع پر گفتگو ایک جگہ محدود رہ سکے گی۔یہ نیا فیچر واٹس ایپ کے استعمال کو مزید فعال اور صارف دوست بنانے میں اہم کردار ادا کرے گا، خاص طور پر گروپ چیٹس میں جہاں متعدد موضوعات ایک ساتھ چلتے ہیں اور گفتگو کا نظم بکھر جاتا ہے۔