پاکستانی اداکارہ و میزبان نازیہ ملک نے موٹر وے پر اپنے اور دوستوں کے ساتھ پیش آئے دل دہلا دینے والے واقعے کا انکشاف کردیا۔ حال ہی میں نجی ٹی وی چینل کے پروگرام میں گفتگو کرتے ہوئے نازیہ ملک نے بتایا کہکچھ عرصہ قبل وہ اپنی چار دوستوں کے ساتھ سوات گھومنے گئی تھیں کہ واپسی پر ان کے ساتھ یہ واقعہ پیش آیا۔ ان کا کہنا تھا کہ اسے شروع سے ہی کار ڈرائیور کی نیت پر شک تھا کیونکہ وہ پورے راستے کسی سے فون پر بات کررہا تھا اور پھر موٹروے کی ایک سنسان جگہ پر آکر گاڑی روک دی اور بتایا کہ گاڑی خراب ہوگئی ہے اور پھر وہ کسی شخص سے بات کرنے لگا۔ اداکارہ کے مطابق انہوں نے موٹروے کا جائزہ لیا، آس پاس کچھ نہیں تھا، جس پر اس نے حاضر دماغی سے کام لیا اور ڈرائیونگ سیٹ پر بیٹھ گئیں اور ڈرائیور کو کہا کہ وہ بھلے یہیں کھڑا رہے، وہ گاڑی چلا کر یہاں سے جا رہی ہیں۔ اداکارہ نے بتایا کہ ان کی بات پر ڈرائیور پریشان ہوا اور گاڑی خود ہی ٹھیک کرکے چلانے کی حامی بھری اور پھر اس نے گاڑی کو تھوڑا چیک کرکے اسٹارٹ کیا اور گاڑی چل گئی۔ نازیہ ملک نے بتایا کہ ان کی سب دوست پریشان ہوگئی تھیں اور انہیں کچھ سمجھ نہیں آ رہا تھاتاہم اس کی حاضر دماغی نے انہیں بچالیا۔