بیجنگ : صدر آصف علی زرداری دورہ چین پر ہیں جہاں انہوں نے چین کی زلزلہ وارننگ سسٹم سے لیس ہائی اسپیڈ ٹرین میں چینگدو سے میان یانگ تک سفر کیا جو نصف گھنٹے میں مکمل ہوا۔ صدر آصف علی زرداری کا چین میں زلزلہ وارننگ سسٹم سے لیس ہائی اسپیڈ ٹرین کے ذریعے سفرچینگدو سے میان یانگ کا سفر نصف گھنٹے میں مکملصدر مملکت کو ٹرین کے آپریشن، سروس اور سیفٹی سسٹمز پر بریفنگ دی گئیچین کے پاس دنیا کا سب سے بڑا ہائی اسپیڈ ریل نیٹ ورک، 45 ہزار کلومیٹر ٹریک اور… pic.twitter.com/cECiw8m5Ga— PTV News (@PTVNewsOfficial) September 14, 2025 رپورٹ کے مطابق سفر کے دوران چینی حکام نے ‎صدر پاکستان کو ٹرین کے آپریشن، سروس اور سیفٹی سسٹمز پر بریفنگ دی۔ صدر مملکت کو بریفنگ میں بتایا گیا کہ ‎چین کے پاس دنیا کا سب سے بڑا ہائی اسپیڈ ریل نیٹ ورک ہے اور چین کی ٹرینیں 350 کلو میٹر فی گھنٹہ تک کی رفتار سے چلتی ہیں۔ چینی حکام نے بتایا کہ چین کا ریل ٹریک 45 ہزار کلو میٹر ہے جس سے سالانہ 2 ارب سے زائد مسافر استفادہ حاصل کرتے ہیں، چین نے ایک معیاری اور یکساں نیٹ ورک قائم کیا جو جدید کنیکٹیویٹی کی مثال ہے۔ اس موقع پر گفتگو کرتے ہوئے صدر آصف علی زرداری نے کہا کہ آلودگی سے پاک الیکٹرک ٹرین اور زلزلہ وارننگ سسٹم انجینئرنگ کا شاہکار ہے، چین کی جدت پسندی پاکستان سمیت دیگر ملکوں کے لیے سبق آموز ہے۔