ساؤتھ افریقہ کے بیٹسمین ٹونی ڈی زور سی کل پہلے ٹیسٹ کی دوسری اننگز میں بھی سینچری کر کے اپنی ٹیم کو میچ جتانا چاہتے ہیں۔ ٹونی ڈی زور سی جنہوں نے آج ساؤتھ افریقہ کی پہلی اننگز میں 104 رنز کی بہت ہی اہم میننگز کھیلی، آج تیسرے دن کے کھیل ختم ہونے پر 16 رنز پہ بیٹنگ کر رہے تھے۔ زور زی نے مزید کہا کہ اگر ساؤتھ افریقہ یہ ٹیسٹ میچ جیتنے میں کامیاب ہوتا ہے ان کو اپنی سنچری سے زیادہ اس کی خوشی ہوگی۔ زور سی جو کافی عرصے انجری کے باعث ٹیم سے باہر رہے آج اپنی دوسری ٹیسٹ سینچری کرنے میں کامیاب ہوئے تھے۔ انہوں نے میڈیا سے کہا کیونکہ سی ڈی ایم کی پچ پر بیٹنگ کرنا آسان نہیں لیکن اگر بیٹسمین صبر، ہمت اور سوچ سمجھ کر کھیلے تو رنز کر سکتا ہے جیسے کہ اس میچ میں ابھی تک کچھ بیٹسمینوں نے اچھے اسکور کیے ہیں۔ میچ جیتنے کے لیے ہمیں مزید 226 رنز کی ضرورت ہے اور یہ بالکل ممکن ہے، لیکن ہماری ٹیم کو پارٹنرشپس بنانا بہت ضروری ہے کیونکہ دونوں ٹیموں کے اسپنرز نے اس پچ پر بہت شاندار بالنگ کی ہے اور جب بھی نیا بیٹسمین آتا ہے اس کو کریس پر جمنے میں مشکل ہوتی ہے۔ زور سی نے مزید کہا کہ ان کی ٹیم یہ سوچ کر پاکستان کر آئی تھی کہ ان کو ایسے پچز پر کھیلنا پڑے گا جن پر اسپنرز کو مدد حاصل ہوگی اور وہ اس کے لیے تیار ہیں۔