پاکستان اور افغانستان کے درمیان ایف سی ایشین کپ کوالیفائر کا دوسرا میچ بھی بغیر نتیجے کے ختم ہو گیا۔ منگل کی رات کو کویت میں کھیلا گیا یہ میچ ایک ایک گول سے برابر رہا۔ کھیل کے آغاز میں ہی افغانستان نے پانچویں منٹ میں گول کر کے برتری حاصل کر لی تاہم پاکستان کی جانب سے مڈ فیلڈر اعتزاز حسین نے 29ویں منٹ میں شاندار گول کر کے اسکور برابر کر دیا۔ یہ ایشین کپ کے کوالیفائنگ راؤنڈ میں دونوں ٹیموں کے درمیان دوسرا میچ تھا۔ اس سے قبل پہلا میچ اسلام آباد میں کھیلا گیا تھا جو بغیر کسی گول کے برابری پر ختم ہوا تھا۔ دو میچز کے بعد پاکستان اور افغانستان کو ایک، ایک پوائنٹ حاصل ہوا ہے جبکہ دونوں ٹیموں کو اگلے مرحلے میں رسائی کے لیے اپنے بقیہ میچز جیتنا ہوں گے۔