خیبر پختونخوا کے ضلع سوات کے علاقے ٹوکردرہ میں کھدائی کے دوران بدھ مت دور کے قدیم آثار دریافت ہوئے ہیں، جن میں بدھا کے متعدد مجسمے اور ایک عظیم الشان اسٹوپا شامل ہیں۔
یہ مقام بدھ مت کے پیروکاروں کی عبادت گاہ اور خانقاہ کے طور پر استعمال ہوتا تھا، جہاں طلبہ تعلیم اور رہائش پاتے تھے۔ حالیہ دریافتیں گندھارا تہذیب کی تاریخی عظمت کو مزید اجاگر کرتی ہیں اور سوات کی ثقافتی اہمیت کو نمایاں بناتی ہیں۔
ماہرین کے مطابق یہ مقام مذہبی سیاحت اور علمی تحقیق کے لیے نہایت قیمتی ورثہ ثابت ہوسکتا ہے۔