اینٹی نارکوٹکس فورس نے ملک کے مختلف شہروں میں منشیات اسمگلنگ کے خلاف کارروائیاں کرتے ہوئے خاتون سمیت دو ملزمان کو گرفتار کر لیا۔ تین مختلف کارروائیوں کے دوران 77 لاکھ روپے سے زائد مالیت کی 33.62 کلوگرام منشیات برآمد کی گئیں۔
ترجمان اے این ایف کے مطابق علامہ اقبال انٹرنیشنل ایئرپورٹ پر جدہ جانے والے ایک مسافر کے سامان سے کپڑوں میں جذب 14.912 کلوگرام آئس برآمد کی گئی۔
اسی طرح جناح انٹرنیشنل ایئرپورٹ کے کارگو شیڈ میں فلپائن جانے والے پارسل سے کپڑوں میں جذب 13.350 کلوگرام آئس برآمد ہوئی اور ترنول ٹول پلازہ راولپنڈی کے قریب ایک مسافر خاتون کے قبضے سے 4.800 کلوگرام چرس برآمد کی گئی۔