وزیراعظم شہباز شریف کل چار روزہ سرکاری دورے پر سوئٹزرلینڈ روانہ ہوں گے جہاں وہ ڈیوئز میں منعقدہ عالمی اقتصادی فورم (WEF) میں پاکستان کی نمائندگی کریں گے۔
دورے کے دوران وزیراعظم عالمی رہنماؤں، سرمایہ کاروں اور بین الاقوامی اداروں کے نمائندوں سے ملاقاتیں کریں گے۔
وزیراعظم عالمی اقتصادی فورم کے مختلف سیشنز میں شرکت کے ساتھ ساتھ کلائمیٹ فنڈنگ سے متعلق پاکستان کا مؤقف بھی بھرپور انداز میں پیش کریں گے، جس میں موسمیاتی تبدیلیوں سے متاثرہ ترقی پذیر ممالک کے لیے مالی معاونت کی اہمیت کو اجاگر کیا جائے گا۔
ذرائع کے مطابق وفاقی وزرا پر مشتمل ایک اعلیٰ سطحی وفد بھی وزیراعظم کے ہمراہ سوئٹزرلینڈ جائے گا۔ دورے کے دوران معاشی تعاون، سرمایہ کاری کے مواقع اور ماحولیاتی چیلنجز پر تفصیلی بات چیت متوقع ہے۔