اسرائیلی فورسز نے فلسطین کی خواتین کی قومی فٹبال ٹیم کی دو انٹرنیشنل کھلاڑیوں، رند الحلاوانی اور نٹالی ابو دایہ کو حراست میں لے لیا ہے۔
نٹالی ابو دایہ کو مقبوضہ مغربی کنارے میں واقع یونیورسٹی کے ایک طلبہ ہاسٹل پر چھاپے کے دوران گرفتار کیا گیا، جبکہ رند الحلاوانی کو مقبوضہ بیت المقدس کے ایک پولیس اسٹیشن میں طلب کر کے حراست میں لیا گیا۔
فلسطین فٹبال ایسوسی ایشن نے اسرائیلی فورسز کی جانب سے فلسطینی ایتھلیٹس کو اس طرح باضابطہ نشانہ بنائے جانے کی سخت مذمت کی ہے اور عالمی فٹبال گورننگ باڈی (فیفا) سے اس معاملے پر فوری اور مؤثر کارروائی کا مطالبہ کیا ہے۔