دمشق: شام کے صدر احمد الشرع نے عبوری حکومت کا اعلان کر دیا۔ جس میں 23 وزیروں کی تقرری کی گئی ہے۔غیر ملکی خبر رساں ایجنسی کے مطابق شام کی نئی کابینہ میں یاروب بدر کو وزیر ٹرانسپورٹ، محمد یسر برنیہ کو وزیر خزانہ اور امجد بدر کو وزیر زراعت مقرر کیا گیا ہے۔ امجد بدر دروز برادری سے تعلق رکھتے ہیں جبکہ یاروب بدر علوی برادری سے ہیں۔مسیحی خاتون ہند کبوات کو وزیر سماجی امور و محنت مقرر کیا گیا ہے۔ وہ بشارالاسد حکومت کے خلاف اپوزیشن کا حصہ رہی ہیں۔ اور ان کی خدمات خواتین کے حقوق اور بین المذہبی رواداری کے لیے رہی ہیں۔مرہف ابو قصرہ اور اسعد الشیبانی کو دفاع اور خارجہ امور کے وزیروں کے طور پر برقرار رکھا گیا۔ یہ دونوں وزیروں کی خدمات اس وقت سے جاری ہیں جب سے دسمبر میں بشار الاسد کی حکومت کو عوامی بغاوت کے دوران ہٹا دیا گیا تھا۔صدر الشرعہ نے پہلی بار ایک وزارت برائے کھیل اور ایک وزارت برائے ایمرجنسی قائم کرنے کا اعلان کیا ہے۔ اور ایمرجنسی وزارت کے وزیر کے طور پر وائٹ ہیلمٹس نامی امدادی گروپ کے سربراہ رائد صالح کو مقرر کیا گیا۔یہ بھی پڑھیں: اسرائیلی فوج کا رفح میں زمینی آپریشن ، درجنوں فلسطینی شہید ، تل ابیب میں نتین یاہو حکومت کیخلاف مظاہرےواضح رہے کہ جنوری میں صدر الشرعہ کو عبوری صدر کے طور پر نامزد کیا گیا تھا۔ اور انہوں نے ایک ایسی حکومت بنانے کا وعدہ کیا تھا جو شام کے تباہ حال عوامی اداروں کو دوبارہ تعمیر کرے اور ملک میں انتخابات کے انعقاد تک حکومت چلائے۔شام کی نئی حکومت میں وزیر اعظم کی کوئی حیثیت نہیں ہو گی۔ اور صدر الشرع ہی مجوزہ انتظامیہ کی قیادت کریں گے۔