پاکستان سپر لیگ (پی ایس ایل) 10  کے چوتھے میچ میں لاہور قلندرز نے کوئٹہ گلیڈی ایٹرز کو 79 رنز سے شکست دے دی۔راولپنڈی کرکٹ سٹیڈیم میں کھیلے گئے میچ میں لاہور کے 220 رنز کے ہدف کے تعاقب میں کوئٹہ کی پوری ٹیم 16.2 اوورز میں 140 رنز بنا کر آؤٹ ہوگئی۔کوئٹہ کی جانب ریلی روسو 44 اور کوشال مینڈس 28 رنز بنا کر نمایاں رہے۔فہیم اشرف 21، شعیب ملک 14 اور عقیل حسین 13 رنز بنائے۔کوئٹہ کی جانب سے رشاد حسین نے تین کھلاڑیوں کو آؤٹ کیا۔ شاہین شاہ آفرید، آصف آفریدی اور سکندر رضا نے دو دو وکٹیں حاصل کی جبکہ حارث رؤف نے ایک کھلاڑی کو پویلین بھیج دیا۔قبل ازیں لاہور قلندرز نے کوئٹہ گلیڈی ایٹرز کی دعوت پر پہلے کھیلتے ہوئے مقررہ 20 اوورز میں 6 وکٹوں کے نقصان پر 219 رنز بنائے تھے۔قلندرز کی جانب سے فخر زمان نے 39 گیندوں پر 67 رنز کی اننگز کھیلی۔  سم بلنگز نے 19 گیندوں پر شاندار نصف سینچری سکور کی۔  اسد شفیق نے 20 گیندوں پر 37 اور ڈیرل مچل نے 23 گیندوں پر اتنے ہی رنز بنائے۔ محمد نعیم نے 10 اور سکندر رضا چھ رنز بنا کر آؤٹ ہوئے۔کوئٹہ گلیڈی ایٹرز کی جانب سے عقیل حسین اور ابرار احمد نے دو دو جب کہ عثمان طارق اور فہیم اشرف نے ایک ایک وکٹ حاصل کی۔ خیال رہے پی ایس ایل 10 کے افتتاحی میچ میں لاہور قلندرز کو دفاعی چیمپئن اسلام آباد یونائیٹڈ کے خلاف 8 وکٹوں سے شکست ہوئی تھی۔جبکہ کوئٹہ گلیڈی ایٹرز  نے گذشتہ روز  پشاورزلمی کو 80 رنز سے مات دی تھی۔