کراچی پریس کلب کے باہر آئی بی اے پاس میوزک ٹیچرز کا احتجاج گیارہویں روز بھی جاری رہا۔ آج اساتذہ کی بڑی تعداد پریس کلب سے سندھ اسمبلی کی جانب روانہ ہوئی اور ریڈ زون میں داخل ہونے کی کوشش کی۔ پولیس حکام کے مطابق سرور شہید روڈ کے قریب مظاہرین کو روکنے کے لیے بسیں اور دیگر رکاوٹیں کھڑی کر دی گئیں جبکہ بھاری نفری تعینات تھی۔ اس دوران ڈی ایس پی صدر مذاکرات کے لیے پہنچے مگر میوزک ٹیچرز سے بات چیت ناکام ہوگئی۔ بعد ازاں اساتذہ نے سرور شہید روڈ پر دھرنا دے کر احتجاج جاری رکھا۔پولیس نے مزید بتایا کہ آرٹس کونسل سے پریس کلب جانے والا روڈ بھی بند کر دیا گیا ہے۔