انٹرنیشنل کرکٹ کونسل (آئی سی سی) نے ضابطہ اخلاق کی خلاف ورزی پر پاکستان کے فاسٹ بولر حارث رؤف پر میچ فیس کا 20 فیصد جرمانہ عائد کردیا۔
آئی سی سی کے مطابق پاکستان اور انگلینڈ کے درمیان سہ ملکی سیریز کے میچ میں حارث رؤف کا رویہ اسپرٹ آف دی گیم کے منافی تھا جس پر ان کے خلاف کارروائی کی گئی۔
آئی سی سی نے حارث رؤف کو ایک ڈی میرٹ پوائنٹ بھی دیا ہے جس کے بعد ان کے مجموعی ڈی میرٹ پوائنٹس کی تعداد 5 ہوگئی ہے۔ ڈی میرٹ پوائنٹس کھلاڑیوں کی جانب سے ضابطہ اخلاق کی خلاف ورزیوں کے ریکارڈ کا حصہ ہوتے ہیں۔