سوشل میڈیا پر مشہور ہونے والے گانے کچا بادام کے گلوکار بھبن بڈیاکر کے ساتھ ہاتھ ہو گیا۔غیر ملکی خبر رساں ایجنسی کے مطابق بھبن بڈیاکر نے گزشتہ سال کچا بادام گا کر غیر معمولی شہرت حاصل کی تھی لیکن آج کل وہ انتہائی کسمپرسی اور غربت کی زندگی گزار رہے ہیں۔بھبن بڈیاکر کا گانا کچا بادام کے کاپی رائٹس ایک میوزک کمپنی نے دھوکے سے ہتھیا لیے جس کے بعد اب بھبن نہ تو اپنا گانا گا سکتا ہے اور نہ ہی وہ سوشل میڈیا پر گانے سے ہونے والی آمدنی لے سکتا ہے۔یہ بھی پڑھیں: ذرائع کے مطابق بھوبن بدیاکر کئی ماہ سے اپنا گاؤں والا گھر چھوڑ کر مغربی بنگال کے شہر دبراج پور میں اپنے بیٹے کے ساتھ رہ رہے ہیں لیکن اب ان کی مالی حالت انتہائی خراب ہے اور انہوں نے گانے سے جو پیسے کمائے تھے وہ گھر بنانے پر لگا دیئے تاہم گھر مکمل نہ ہونے پر خالی پڑا ہے اور اسے تالا لگا ہوا ہے۔