بلاوائیو: دوسرے ایک روزہ میچ میں زمبابوے نے پاکستان کو جیت کے لیے 146 رنز کا ہدف دے دیا۔زمبابوے کے شہر بلاوائیو میں پاکستان اور زمبابوے کے درمیان ایک روزہ میچوں کی سیریز کا دوسرا میچ آج کھیلا جا رہا ہے۔ میزبان ٹیم زمبابوے نے ٹاس جیت کر پہلے بیٹنگ کرنے کا فیصلہ کیا۔زمبابوے کو پہلا کھلاڑی 6 کے مجموعی اسکور پر آؤٹ ہو گیا۔ جوئے لورڈ گمبی 5 رنز بنا کر ابرار احمد کے گیند پر بولڈ ہوئے۔ دوسری وکٹ 23 رنز کے مجموعی اسکور پر گر گئی۔ توانداناشے مارومانی 2 گیندوں پر 4 رنز بنا کر جلد ہی پویلین ہو گئے۔زمبابوے کو 61 کے مجموعی اسکور پر تیسری وکٹ کا نقصان ہوا۔ ڈیون مائرز 33 رنز بنا کر ایل بی ڈبلیو ہو گئے۔ چوتھی وکٹ 68 کے مجموعی اسکور پر گری۔ کپتان کریگ ایروائن 35 گیندوں پر 18 رنز بنا کر محمد رضوان کی گیند پر کیچ آؤٹ ہوئے۔میزبان ٹیم کی پانچویں وکٹ 97 کے مجموعی اسکور پر گری۔ سکندر رضا 17 رنز بنا کر کیچ آؤٹ ہوئے۔ 121 کے مجموعی اسکور پر 6 وکٹ بھی گر گئی اور جلد ہی زمبابوے کا ساتواں کھلاڑی بھی 121 کے مجموعی اسکور پر پویلین لوٹ گیا۔برائن بینیٹ 14 رنز، رچرڈ نگروا 2 رنز، بلیسنگ مزاربانی 11 رنز بنا کر آؤٹ ہو گئے۔ زمبابوے کی پوری ٹیم33 ویں اوورز میں ہی آؤٹ ہو گئی۔پاکستان باؤلر ابرار احمد نے 4 اور سلمان آغا نے 3 وکٹیں حاصل کیں۔ جبکہ اسپنر فیصل اکرم اور صائم ایوب ایک ایک وکٹ حاصل کر سکے۔قومی ٹیم کے کپتان محمد رضوان نے ٹاس کے بعد گفتگو کرتے ہوئے کہا کہ اگر ٹاس جیتتے توہم بھی پہلے بیٹنگ کرتے۔ نمی کے باعث پہلے بیٹنگ کرنے والی ٹیم کو فائدہ ہو گا۔یہ بھی پڑھیں: ٹی 20 بلائنڈ کرکٹ ورلڈکپ: بنگلہ دیش نے سری لنکا کو 25 رنز سے شکست دے دیانہوں نے کہا کہ آسٹریلیا کے خلاف بھی پہلا میچ ہار کر پھر سیریز جیت گئے۔ ابرار احمد اور طیب طاہر آج ڈیبیو کر رہے ہیں۔واضح رہے کہ زمبابوے کو 3 ایک روزہ میچوں کی سیریز میں ایک صفر کی برتری حاصل ہے۔پاکستانی ٹیم کی قیادت محمد رضوان کر رہے ہیں جبکہ ان کے علاوہ ٹیم میں صائم ایوب، عبداللہ شفیق، کامران غلام، طیب طاہر، سلمان علی آغا، محمد عرفان خان، عامر جمال، حارث رؤف، ابرار احمد، اور فیصل اکرم شامل ہیں۔زمبابوے کرکٹ ٹیم کی قیادت کریگ ایروائن کر رہے ہیں۔ جبکہ ان کی ٹیم میں برائن بینیٹ، جویلورڈ گمبی، ٹریور گوانڈو، توانداناشے مارومانی، برینڈن ماوتا، بلیسنگ مزاربانی، رچرڈ نگروا، ڈیون مائرز، سکندر رضا اور سین ولیمز شامل ہیں۔