سپریم کورٹ نے بانی پی ٹی آئی عمران خان کی 9 مئی کے واقعات سے متعلق 8 مقدمات میں ضمانت کی اپیلوں پر سماعت کی تاریخ مقرر کر دی۔ رجسٹرار آفس کی جانب سے جاری کاز لسٹ کے مطابق تین رکنی بینچ 12 اگست کو سماعت کرے گا جس کی سربراہی چیف جسٹس یحییٰ آفریدی کریں گے جبکہ جسٹس شفیع صدیقی اور جسٹس گل حسن اورنگزیب بھی بینچ کا حصہ ہوں گے۔ عدالتی ذرائع کے مطابق عمران خان کی لیگل ٹیم کو بھی باضابطہ نوٹس جاری کر دیا گیا ہے۔ واضح رہے کہ گزشتہ سماعت ان کے وکیل سلمان صفدر کی درخواست پر ملتوی کر دی گئی تھی۔