جماعت اسلامی کراچی نے صوبائی اسمبلیوں کی اجازت سے نئے صوبے بنانے کی حمایت کردی۔ جماعت اسلامی کراچی کے امیر منعم ظفر خان نے کہا کہ اگر صوبائی اسمبلیاں اجازت دیتی ہیں تو مزید انتظامی یونٹ ضرور بنائیں، 32 صوبے بنانے ہوں یا 12 اس میں کیا مسئلہ ہے، بسم اللہ کریں۔ انہوں نے صدر میں آتشبازی کے سامان کے گودام میں دھماکے سے جاں بحق افراد کے لواحقین اور متاثرہ دکانداروں کو معاوضہ دینے کا بھی مطالبہ کرتے ہوئے کہا کہ جن سرکاری اہلکاروں کی سرپرستی میں دھماکا خیز مواد رکھا گیا انہیں بھی گرفتار کر کے سزا دی جائے۔ انہوں نے کہا کہ رہائشی علاقے میں اس طرح کی سرگرمیوں کی مکمل پابندی ہے لیکن شہر کے مرکز میں بارودی کارخانہ قائم تھا۔