ملک میں سونے کی قیمتوں میں ایک اور نمایاں اضافہ ریکارڈ کیا گیا ہے۔ آل پاکستان صرافہ جیمز اینڈ جیولرز ایسوسی ایشن کے مطابق آج فی تولہ سونا 1200 روپے مہنگا ہوکر نئی بلند ترین سطح پر پہنچ گیا۔ ایسوسی ایشن کا کہنا ہے کہ اضافے کے بعد فی تولہ سونے کی قیمت 3 لاکھ 63 ہزار 700 روپے مقرر ہوگئی ہے۔ اسی طرح 10 گرام سونا بھی 943 روپے بڑھنے کے بعد 3 لاکھ 11 ہزار 814 روپے کا ہوگیا۔ عالمی مارکیٹ میں بھی قیمتوں میں اضافہ دیکھا گیا، جہاں فی اونس سونا 12 ڈالر مہنگا ہوکر 3 ہزار 411 ڈالر تک جا پہنچا۔