خیبرپختونخوا کے ضلع لوئر کرم میں فائرنگ کے واقعے میں زاہد حسین نامی شخص جاں بحق جبکہ ان کی دو بیٹیاں شدید زخمی ہوگئیں۔ پولیس کے مطابق گاڑی پر فائرنگ پہاڑی علاقے شمع دار بابا کے قریب کی گئی جس کے نتیجے میں زاہد حسین موقع پر ہی دم توڑ گئے جبکہ دونوں زخمی لڑکیوں کو فوری طور پر ڈسٹرکٹ ہیڈ کوارٹر اسپتال پاراچنار منتقل کر دیا گیا جہاں انہیں طبی امداد فراہم کی جا رہی ہے۔ فائرنگ کے بعد پولیس نے جائے وقوعہ پر پہنچ کر شواہد اکٹھے کیے اور واقعے کی تحقیقات شروع کر دی ہیں۔ واضح رہے کہ دو روز قبل بھی لوئر کرم کے علاقے مہورہ احمد خان کلی میں گاڑی پر فائرنگ کے نتیجے میں چھ افراد جاں بحق ہوگئے تھے جس کے بعد حکومت اور قبائلی مشران نے ملزم تجمل کے گھر کو بارودی مواد سے تباہ کر دیا تھا۔