فلم باہوبلی 2 کی زبردست کامیابی کے بعد پربھاس کی دیگر فلمیں باکس آفس پر پِٹ رہی تھیں مگر اس کے بعد فلم ’کالکی 2898 اے ڈی‘ نے سب کچھ اُلٹ پلٹ دیا اور غیرمعمولی کامیابی سمیٹی۔بالی وُڈ فلم انڈسٹری کی خبروں کی ویب سائٹ کوئی موئی کے مطابق بہت کم لوگ اس بارے میں جانتے ہوں گے کہ پربھاس نے اس وقت سٹار اداکارہ کترینہ کیف کو ساتھ کام کرنے کی پیش کش کی تھی جو انہوں نے مبینہ طور پر ٹھکرا دی تھی۔سنہ 2019 میں پربھاس نے شردھا کپور کے ساتھ ایکشن تھرلر ’ساہو‘ میں کام کیا۔ اس فلم میں ساؤتھ انڈین فلم انڈسٹری اور بالی وڈ کے متعدد اداکاروں نے کام کیا جن میں چنکی پانڈے، جیکی شروف، ارون وجے، نیل نتن مکیش، لال، مرلی شرما، مندرا بیدی اور مہیش منجریکر شامل ہیں۔ ملے جلے تجزیوں کے باوجود یہ فلم باکس آفس پر 149 کروڑ کی کمائی کے ساتھ ایک ہٹ فلم تھی۔ایک بار یہ افواہیں بھی پھیلیں کہ ’ساہو‘ میں اہم اور مرکزی کردار ادا کرنے کے لیے کترینہ کیف پہلی پسند تھیں۔ لیکن اداکارہ نے مبینہ طور پر پربھاس کے ساتھ فلم کو مسترد کرنے سے پہلے پروڈیوسرز کو چھ ماہ تک اپنے پیچھے لگائے رکھا۔ایک قریبی ذریعے نے ’دکن کرونیکل‘ کو بتایا تھا کہ ’کترینہ کیف ’ساہو‘ میں نہیں، وہ اس فلم کا حصہ بن سکتی تھیں جیسا کہ ہم نے چھ ماہ تک اس کے لیے اُن کا پیچھا کیا تھا۔ یہ باہوبلی 2 کی ریلیز سے پہلے کی بات ہے، جب وہ نہیں سمجھتی تھیں کہ پربھاس کے ساتھ کام کرنا ان کے لیے مناسب ہے۔ اس لیے چھ ماہ تک ان کا پیچھا کرنے کے بعد ہم نے اُن سے فلم سائن کرنے کا آئیڈیا چھوڑ دیا۔‘فلم سے منسلک ایک اندرونی ذریعے نے کترینہ کی ٹیم پر پبلسٹی حاصل کرنے کے لیے افواہیں پھیلانے کا الزام بھی لگایا کیونکہ باہوبلی 2 نے باکس آفس پر توقع سے کہیں زیادہ کامیابی سمیٹی تھی۔پربھاس اور انوشکا شیٹھی کی فائل فوٹوکترینہ کیف نے کبھی ان افواہوں پر ردعمل ظاہر نہیں کیا۔ کچھ دیگر رپورٹس میں یہ بھی دعویٰ کیا گیا کہ وہ اس پراجیکٹ کا حصہ بننا چاہتی تھیں لیکن اس کے بجائے سلمان خان کو سپورٹ کرنے کا فیصلہ کیا جو فلم ’بھارت‘ سے پریانکا چوپڑا کے اچانک باہر نکلنے سے مشکلات کا سامنا کر رہے تھے۔ تاہم اس کی بھی تصدیق نہیں ہوئی۔پربھاس کے اگلے پراجیکٹساؤتھ انڈیا کے سُپر سٹار پربھاس اس وقت بھی فلموں میں مصروف ہیں اور اُن کی فلموں میں سائنس فکشن سیکوئل ’کالکی 2898‘ ڈائریکٹر ناگ ایشون کے ساتھ آئے گی۔ وہ فلم ’سپرٹ‘ اور ’دی راجہ صاحب‘ میں بھی نظر آئیں گے۔