آزاد کشمیر کے داخلی راستے کوہالہ انٹری پوائنٹ پر بھاری پتھر اور کنٹینرز لگا کر آمد و رفت معطل کر دی گئی ہے۔ ذرائع کے مطابق کوہالہ پل کے ذریعے آزاد کشمیر میں داخلے کو روکنے کے لیے یہ اقدامات کیے گئے ہیں۔ انتظامیہ نے داخلی اور خارجی راستوں پر بھاری مشینری اور کنٹینرز کھڑے کر دیے ہیں جبکہ مختلف مقامات پر سڑک کو پتھروں سے بند کر کے راستہ مزید محدود کر دیا گیا ہے۔ ذرائع کے مطابق یہ اقدامات ممکنہ احتجاجی مظاہروں اور سیکورٹی خدشات کے پیش نظر کیے گئے ہیں۔ دوسری جانب شہریوں کو سخت مشکلات کا سامنا ہے روزمرہ سفر متاثر ہونے کے باعث ٹریفک جام اور آمد و رفت میں رکاوٹ پیدا ہو رہی ہے۔