ایران نے امریکی صدر ڈونلڈ ٹرمپ کی جانب سے مذاکرات کی پیشکش کو متضاد اور غیر سنجیدہ قرار دیتے ہوئے مسترد کر دیا ہے۔
ایرانی وزارتِ خارجہ کے مطابق واشنگٹن کا رویہ مخالف اور مجرمانہ ہے اور ایسے حالات میں مذاکرات کی بات کرنا محض سیاسی دکھاوا ہے۔
گزشتہ روز اسرائیلی پارلیمنٹ سے خطاب میں صدر ڈونلڈ ٹرمپ نے ایران کو مذاکرات کی پیشکش کرتے ہوئے کہا تھا کہ ایران کے لیے بھی دوستی اور تعاون کا ہاتھ ہمیشہ کھلا ہے۔
صدر ٹرمپ نے اپنی تقریر میں مزید کہا کہ مشرقِ وسطیٰ میں ایک تاریخی صبح طلوع ہو رہی ہے اور غزہ کے عوام کی توجہ اب تعمیرِ نو پر ہونی چاہیے۔