واشنگٹن: امریکی صدر ڈونلڈ ٹرمپ نے سوشل میڈیا پر ایک اے آئی ویڈیو شیئر کی ہے جس میں وہ جیٹ طیارہ اڑاتے ہوئے مظاہرین پر کچرا پھینک رہے ہیں۔ Trump posted an AI video of himself wearing a crown and dumping shit from a “King Trump” jet on No Kings protesters. pic.twitter.com/SnnES2r2Ao— Infina Alerts (@InfinaAlerts) October 19, 2025 آج "No Kings" کے عنوان سے امریکا کے ہزاروں شہروں میں احتجاجی مظاہرے کیے جارہے ہیں جن میں لاکھوں افراد شرکت کر رہے ہیں جبکہ صرف شکاگو میں ڈھائی لاکھ افراد نے احتجاجی مظاہرے میں شرکت کی۔ مظاہروں پر ردعمل دیتے ہوئے صدر ڈونلڈ ٹرمپ سوشل میڈیا سائٹ ٹروتھ سوشل پر 21 سیکنڈ کی ایک ویڈیو پوسٹ کی، جس میں وہ جیٹ طیارہ اڑا رہے ہیں جبکہ انہوں نے بادشاہوں کی طرح سر پر تاج بھی پہنا ہوا ہے۔ ویڈیو میں دیکھا جاسکتا ہے کہ ٹرمپ احتجاجی مظاہرین پر جیٹ طیارے سے کچرا پھینکتے ہیں جس سےلوگوں کے کپڑے گندے ہو جاتے ہیں اور مظاہرین کے درمیان ایک افراتفری کی سی کیفیت پھیل جاتی ہے۔