فلسطینی مزاحمتی تنظیم حماس نے جنگ بندی معاہدے کے تحت 20 یرغمالیوں کی رہائی کے بعد 4 مغویوں کی لاشیں بھی بین الاقوامی ریڈ کراس کمیٹی کے ذریعے اسرائیلی حکام کے حوالے کر دی ہیں۔ اسرائیلی میڈیا کے مطابق جن مغویوں کی لاشیں حماس نے حوالے کی ہیں ان میں گائے ایلوز، یوسی شارابی، بپن جوشی اور ڈینیئل پریز شامل ہیں۔ لاشوں کی حوالگی کا عمل بین الاقوامی نگرانی میں مکمل ہوا۔ حماس کا کہنا ہے کہ مزید 24 لاشوں کی بازیابی میں وقت لگ سکتا ہے کیونکہ غزہ میں جاری بمباری کے باعث تدفین کے کئی مقامات تباہ ہو چکے ہیں اور کچھ لاشیں اب بھی ملبے تلے ہونے کا خدشہ ہے۔ گزشتہ روز حماس نے امن معاہدے پر عمل درآمد کرتے ہوئے 20 زندہ یرغمالیوں کو رہا کیا تھا۔معاہدے کے دوسرے مرحلے کے تحت اسرائیلی جیلوں سے 1,968 فلسطینی قیدیوں کو بھی رہا کیا گیا جنہیں بسوں کے ذریعے غزہ اور مغربی کنارے منتقل کیا گیا۔ A heart-touching reunion as freed Palestinian detainee Nabil Abu Khdeir from occupied Jerusalem embraces his family for the first time in 16 years, after being released today as part of the exchange deal between the Palestinian resistance and the Israeli occupation. pic.twitter.com/0mopna4qLe— Quds News Network (@QudsNen) October 13, 2025 رہائی پانے والے قیدیوں کی گھروں واپسی پر جذباتی مناظر دیکھنے میں آئے۔ برسوں بعد اپنے پیاروں سے ملنے والے اہلخانہ خوشی سے آبدیدہ ہو گئے اور ایک دوسرے کو گلے لگا کر خوشی کا اظہار کیا۔