پاکستان کی مشہور ٹی وی میزبان اور اداکارہ ندا یاسر نے حال ہی میں ایک پرانے شو کے کلپ میں اعتراف کیا کہ ان کے سر میں جوں لگ گئی تھی۔ ندا یاسر نے بتایا کہ انہوں نے دبئی سے ہیئر ایکسٹینشن کروائی تھی جس کے بعد سر کے اس حصے میں ہمیشہ نمی رہتی تھی جہاں ایکسٹینشن لگائی گئی تھی۔ اس جگہ میں جوں اور ان کے انڈے پیدا ہو گئے۔ انہوں نے فوراً بیوٹی پارلر جا کر ایکسٹینشن ہٹا دی۔ ندا یاسر تقریباً 17 سال سے مارننگ شو کی میزبانی کر رہی ہیں اور انسٹاگرام پر ان کے 2.4 ملین فالوورز ہیں۔ وہ اکثر شو کے دوران اپنے ذاتی تجربات اور باتیں مداحوں کے ساتھ شیئر کرتی رہتی ہیں، جس کی وجہ سے وہ سوشل میڈیا پر خبروں کی زینت بنتی ہیں۔