معروف اداکارہ اور میزبان فضا علی نے اپنے سابق شوہر فواد فاروق کی دوسری شادی پر ان کے لیے نیک خواہشات کا اظہار کیا ہے۔ اس موقع پر انہوں نے اپنی بیٹی فرال کی ویڈیو بھی شیئر کی جس میں بچی اپنے والد کے لیے نیک خواہشات کے اس لمحے کو ریکارڈ کر رہی ہے۔ View this post on Instagram A post shared by Real Fiza Ali (@fiza_aali) فضا علی نے طویل کیپشن میں لکھا زندگی ہمیشہ سیدھی نہیں ہوتی، کبھی کبھی وہ ہمیں ایسے موڑ پر لے آتی ہے جہاں شور نہیں صبر بولتا ہے۔ آج میری بیٹی فرال اپنی معصوم مسکراہٹ کے ساتھ اس کے بابا کی زندگی کے نئے سفر کی تیاری کو ریکارڈ کر رہی ہے۔ اس لمحے نے مجھے یاد دلایا کہ رشتے بدل سکتے ہیں لیکن عزت اور محبت کبھی ختم نہیں ہوتی۔ انہوں نے مزید کہا ہر کہانی کا انجام لڑائی نہیں ہوتا، دل سے دعا ہے کہ فواد فاروق کا یہ نیا سفر خوشی، سمجھداری اور سکون سے بھرا ہو۔ سوشل میڈیا صارفین نے فضا علی کی اپنی بیٹی کی پرورش کی تعریف کی، اور فرال کے اعتماد اور مثبت رویے کو سراہا۔ ایک مداح نے تو دعا کی کہ اسے بھی فریال جیسی پُراعتماد بیٹی نصیب ہو۔