پاکستانی ٹی وی کی معروف میزبان اور اداکارہ مایا خان نے نادیہ خان کے مارننگ شو میں گفتگو کرتے ہوئے بتایا کہ ان کی سابقہ زندگی میں ان کی تمام بچت ان کے سابق شوہر نے چھین لی تھی۔ مایا خان نے کہا میری بچت میرے پچھلے شوہر نے لے لیں تمام پیسہ اس شخص نے چھینا۔ میں نے ہر جگہ اس کے بارے میں بات کی اور میرے پاس تمام ثبوت موجود تھے۔ میں دو سال تک عدالتوں میں گئی لیکن اپنی محنت کی کمائی واپس نہیں پا سکی۔ آپ درست کہتے ہیں کہ میں میڈیا کی طرف بھی جا سکتی تھی لیکن جب کوئی شخص صدمے سے گزرتا ہے تو اس طرح کی چیزیں ذہن میں نہیں آتیں۔ عدالت کے دنوں میں میں واقعی بہت مشکل میں تھی کیونکہ جب ہم جیسے مشہور لوگ عدالت جاتے ہیں اور لوگ ہمیں پہچان لیتے ہیں تو یہ ایک صدمہ ہوتا ہے کہ خود کو اتنی کمزور حالت میں دیکھیں۔ مایا خان نے اپنے تجربے کے بارے میں کھل کر بات کی اور بتایا کہ عدالت کے مراحل اور سماجی دباؤ نے ان کے لیے شدید ذہنی اور جذباتی مشکلات پیدا کیں۔