ایران کے سپریم لیڈر مجتبیٰ خامنہ ای نے کہا ہے کہ دشمن میدانِ جنگ میں ناکامی کے بعد اب ملک کے اندر اختلافات پیدا کرکے قومی یکجہتی کو نقصان پہنچانے کی کوشش کر رہا ہے۔
روح اللہ خمینی کی 37ویں برسی کے موقع پر اپنے تحریری پیغام میں جسے تقریب میں پڑھ کر سنایا گیا مجتبیٰ خامنہ ای نے کہا کہ موجودہ خطرات کا مقابلہ کرنے کے لیے قومی اتحاد، یکجہتی اور عوامی استقامت ناگزیر ہے۔
انہوں نے کہا کہ عوام میں مایوسی، بددلی اور ناامیدی پھیلانے والا ہر عمل درحقیقت دشمن کے مقاصد کو تقویت دیتا ہے اس لیے قوم کو ہوشیار رہنے کی ضرورت ہے۔
ایرانی سپریم لیڈر کے مطابق مخالف قوتیں جنگی محاذ پر ناکامی کے بعد اب ایرانی عوام کے حوصلے کمزور کرنے اور داخلی سطح پر انتشار پیدا کرنے کی کوششوں میں مصروف ہیں۔