امریکی ریاست اوہائیو کے شہر ٹولیڈو میں فائرنگ کے ایک واقعے میں متعدد افراد زخمی ہو گئے، جس کے بعد علاقے میں خوف و ہراس پھیل گیا۔ پولیس حکام کے مطابق فائرنگ کا واقعہ ایک کمیونٹی اسٹریٹ فیسٹیول کے قریب پیش آیا، جہاں دو روزہ ثقافتی میلہ جاری تھا۔ واقعے کے وقت علاقے میں بڑی تعداد میں شہری موجود تھے۔ امریکی حکام کا کہنا ہے کہ زخمی ہونے والے افراد کو فوری طور پر قریبی اسپتالوں میں منتقل کردیا گیا، تاہم بعض زخمیوں کی حالت کے بارے میں تاحال تفصیلات جاری نہیں کی گئیں۔ پولیس کے مطابق فائرنگ کی وجوہات اور اس میں ملوث افراد کے تعین کے لیے تحقیقات کا آغاز کر دیا گیا ہے۔ قانون نافذ کرنے والے ادارے جائے وقوعہ سے شواہد اکٹھے کر رہے ہیں اور مختلف پہلوؤں کا جائزہ لیا جا رہا ہے۔ واقعے کے بعد سیکیورٹی مزید سخت کر دی گئی ہے جبکہ حکام نے شہریوں سے اپیل کی ہے کہ وہ تحقیقات مکمل ہونے تک متاثرہ علاقے سے دور رہیں اور کسی بھی مشکوک سرگرمی کی اطلاع فوری طور پر پولیس کو دیں۔