اسرائیلی فوج نے لبنان میں جنگ بندی کے معاہدے کی خلاف ورزی کرتے ہوئے فضائی حملے کیے ہیں، جس کے نتیجے میں لبنانی فوج کے ایک بریگیڈیئر جنرل سمیت 10 افراد شہید اور 22 زخمی ہوگئے۔
لبنان کے وزیراعظم نے اس فوجی کارروائی کی سخت الفاظ میں مذمت کرتے ہوئے 3 فوجیوں سمیت 10 افراد کی شہادت پر گہرے دکھ کا اظہار کیا اور اسے لبنان اور اس کے عوام پر ایک گھناؤنا حملہ قرار دیا۔
دوسری جانب حزب اللہ نے جنوبی لبنان کی حدود میں داخل ہونے والی اسرائیلی فوج اور مرکاوہ ٹینک کو نشانہ بنانے کا دعویٰ کیا ہے۔ حزب اللہ کی طرف سے جاری بیان کے مطابق انہوں نے ہفتے کے روز صیہونی افواج کے خلاف مختلف مقامات پر 22 فوجی آپریشنز کیے۔