پی سی بی نے مختلف قومی کرکٹرز کو ہوم اینڈ اوے سیریز میں بھاری جرمانے کر دیے۔ذرائع کا کہنا ہے کہ قومی کرکٹرز کو کوڈ آف کنڈکٹ کی خلاف ورزی پر جرمانے کیے گئے ہیں، انگلینڈ ہوم سیریز سے جنوبی افریقہ کے خلاف سیریز تک کھلاڑیوں کو 30 لاکھ روپے سے زائد کے جرمانے کیے گئے۔پی سی بی نے سب سے زیادہ جرمانہ عامر جمال کو کیا۔عامر جمال نے انگلینڈ کے خلاف سیریز میں انٹرویو کے دوران ایسا ہیٹ پہنا ہوا تھا جس پر مارکر سے 804 لکھا ہوا تھا، عامر جمال کو اس وجہ سے تقریباً 13 لاکھ روپے جرمانے کا سامنا کرنا پڑا۔فخر زمان اور صائم ایوب کی کمی محسوس ہو گی، سلمان علی آغاآسٹریلیا میں سیریز کے دوران تین کرکٹرز کو ہوٹل تاخیر سے واپسی پر پانچ، پانچ لاکھ روپے جرمانہ ہوا،جنوبی افریقہ میں بھی چار کرکٹرز سلمان علی آغا، عبداللہ شفیق، صائم ایوب اور عباس آفریدی کو کرفیو کی خلاف ورزی پر جرمانہ ہوا۔ترجمان پی سی بی نے کہا ہے کہ ڈسلپنری معاملات کرکٹ بورڈ کا اندرونی معاملہ ہے، دنیا بھر کی طرح پی سی بی بھی ایسے معاملات پبلک نہیں کرتا کیونکہ ایسا کرنے سے کھلاڑیوں کی ساکھ متاثر ہوتی ہے۔