لاہور: پاکستان سپر لیگ (پی ایس ایل) سیزن 10 میں لاہور قلندرز نے رسل ڈومینگو کو اپنا نیا ہیڈ کوچ نامزد کر دیا۔لاہور فرنچائز کی جانب سے جاری کردہ اعلامیے میں کہا گیا ہے کہ جنوبی افریقہ کے معروف کوچ رسل ڈومینگو ڈیرن گف کی جگہ لیں گے۔ ڈیرن گف نے ناگزیر ذاتی وجوہات کی بنا پر معذرت کر لی تھی۔واضح رہے کہ رسل ڈومینگو جنوبی افریقہ اور بنگلہ دیش کی قومی کرکٹ ٹیموں کے ہیڈ کوچ بھی رہ چکے ہیں۔لاہور قلندرز کے نومنتخب ہیڈ کوچ رسل ڈومینگو نے اپنے ویڈیو پیغام میں کہا کہ میں جلد کام شروع کرنے، کھلاڑیوں اور مینجمنٹ سے ملنے کا منتظر ہوں۔یہ بھی پڑھیں: ڈیبیو میچ، محمد عباس نے پاکستان کے خلاف تیز ترین نصف سنچری کا نیا ریکارڈ بنا دیافرنچائز کے سی ای او ثمین رانا نے کہا کہ ہمیں خوشی ہے کہ رسل ڈومینگو ہیڈ کوچ کے طور پر قلندرز فیملی میں شامل ہو رہے ہیں۔ اور ہمیں یقین ہے کہ رسل ڈومینگو کی قیادت ٹیم کی کامیابی میں اہم کردار ادا کرے گی۔واضح رہے کہ پی ایس ایل کے 10ویں ایڈیشن میں لاہور قلندرز اپنا پہلا میچ 11 اپریل کو راولپنڈی میں اسلام آباد یونائیٹڈ کے خلاف کھیلے گی۔