ایچ بی ایل پاکستان سپر لیگ( پی ایس ایل) 10 کے ساتویں میچ میں اسلام آباد یونائیٹڈ نے ملتان سلطانز کو 47 رنز سے شکست دے دی۔ اسلام آبادکے 203 رنز کے تعاقب میں ملتان سلطانز کی پوری ٹیم 155رنز بنا کر آؤٹ ہو گئی۔راولپنڈی میں کھیلے گئے میچ میں ملتان سلطانز نے اسلام آباد یونائیٹڈ کے خلاف ٹاس جیت کر بولنگ کا فیصلہ کیا ۔میچ کا ٹاس بارش کے باعث گیلی آؤٹ فیلڈکی وجہ سے تاخیر کا شکار ہوا۔اسلام آباد کی اننگز:اسلام آباد یونائیٹڈ نے مقررہ 20 اوورز میں نے 6 وکٹوں کے نقصان پر 202 رنز بنائے۔ اسلام آباد یونائیٹڈ کے صاحبزادہ فرحان نے 53 اور کولن منرو نے 48 رنز بنائے جبکہ حیدر علی نے 33 اور جیسن ہولڈر نے 32 رنز اسکورکیے۔ملتان سلطانز کی جانب سے کرس جارڈن نے 2 وکٹیں حاصل کیں۔ملتان کی اننگز:اسلام آبادکے 203 رنز کے تعاقب میں ملتان سلطانز کی پوری ٹیم 19ویں اوور میں 155رنز بنا کر آؤٹ ہو گئی۔ملتان کی جانب سے محمد رضوان 38 ، عثمان خان 31 اور افتخار احمد 32رنز بنا سکے۔اسلام آبادکی جانب سے جیسن ہولڈر نے 4 وکٹیں حاصل کیں جبکہ عماد وسیم نے 2 شکار کیے۔ایونٹ میں اسلام آبادکی ٹیم اب تک کوئی میچ نہیں ہاری اور مسلسل 3کامیابیوں کے ساتھ وہ پوائنٹس ٹیبل پر 6 پوائنٹس کے ساتھ ٹاپ پر ہے جبکہ ملتان سلطانز ایونٹ میں اب تک کوئی کامیابی حاصل نہیں کر سکی اوراسے دونوں میچز میں شکست ہوئی۔