امریکی صدر ڈونلڈ ٹرمپ نے ایران کے خلاف جنگی کارروائی ختم کرنے کے مطالبے سے متعلق کانگریس کی قرارداد کو سخت تنقید کا نشانہ بناتے ہوئے اسے بے وقت اور بے معنی قرار دے دیا۔ صدر ٹرمپ نے اپنے بیان میں کہا کہ انہوں نے ایران کو انتہائی دباؤ میں لا کھڑا کیا ہے اور وہ گرنے ہی والا ہے ان کا کہنا تھا کہ بعض سینیٹرز نے ان کا کام مشکل بنا دیا ہے، تاہم وہ اپنے مقاصد ہر صورت مکمل کریں گے۔ امریکی صدر نے مزید کہا کہ وہ ہمیشہ اپنے مشن کو پایہ تکمیل تک پہنچاتے ہیں اور موجودہ صورتحال میں بھی ایسا ہی ہوگا۔ دوسری جانب امریکی سینیٹ نے 48 کے مقابلے میں 50 ووٹوں سے ایران کے خلاف فوجی کارروائی روکنے سے متعلق مشترکہ قرارداد کے حق میں فیصلہ دیا ہے۔ یہ قرارداد رواں ماہ کے آغاز میں ایوانِ نمائندگان سے بھی منظور ہو چکی ہے۔ قرارداد کی منظوری کے بعد ایران سے متعلق امریکی پالیسی اور ممکنہ فوجی اقدامات پر سیاسی بحث مزید شدت اختیار کر گئی ہے۔