پاکستان، سعودی عرب اور ترکیہ کے درمیان مکہ باہمی دفاعی معاہدے کے بعد تینوں ممالک کے برادرانہ تعلقات کو اجاگر کرنے کے لیے خصوصی نغمہ ’’ہم سب ایک ہیں‘‘ جاری کردیا گیا۔ نغمے میں پاکستان، سعودی عرب اور ترکیہ کے تاریخی اور برادرانہ روابط کو اجاگر کیا گیا ہے، جبکہ حرمین شریفین کی حفاظت اور خدمت کو تینوں ممالک کے لیے مشترکہ مقدس ذمہ داری کے طور پر پیش کیا گیا ہے۔ @@3920989@@ خصوصی نغمے میں پاکستانی سرزمین پر موجود مسلح افواج کے جوانوں کو عشقِ حرم اور مقدس مقامات سے گہری وابستگی کی علامت قرار دیا گیا ہے۔ نغمے میں حضور اکرم ﷺ سے محبت کو مسلمانوں کے ایمان اور شناخت کا بنیادی حصہ بھی قرار دیا گیا ہے۔ ’’ہم سب ایک ہیں‘‘ میں یہ پیغام دیا گیا ہے کہ حرمین شریفین سے محبت مسلمانوں کو مشترکہ ایمان، قبلے، قرآن کریم اور روحانی رشتے میں متحد کرتی ہے۔ نغمے میں پاکستان، سعودی عرب اور ترکیہ کے درمیان دفاعی تعاون کو تاریخی پیش رفت قرار دیتے ہوئے تینوں برادر اسلامی ممالک کے اتحاد، یکجہتی اور باہمی تعاون کو اجاگر کیا گیا ہے۔