بھارتی میڈیا کی رپورٹس کے مطابق دہلی پولیس نے بھارتی فضائیہ کے ایک 44 سالہ حاضر سروس ونگ کمانڈر کو حساس دفاعی معلومات افشا کرنے کے الزام میں گرفتار کرلیا ہے۔
ملزم کو 30 مئی کو اس وقت حراست میں لیا گیا جب ان پر اپنی ایک سوشل میڈیا دوست کے موبائل فون میں ڈیٹا چوری کرنے والا سافٹ ویئر انسٹال کر کے اہم معلومات شیئر کرنے کا الزام سامنے آیا۔
فی الوقت نام ظاہر نہ کیے جانے والے اس ونگ کمانڈر کو تہاڑ جیل منتقل کردیا گیا ہے جہاں وہ عدالتی تحویل میں موجود ہے اور حکام کی جانب سے معاملے کی مزید تحقیقات کی جا رہی ہیں۔