بلوچستان کے ضلع چاغی میں نامعلوم افراد نے دو سکیورٹی ہلکاروں کو فائرنگ کرکے قتل کر دیا ہے۔لیویز کے مطابق یہ واقعہ جمعرات کی شام ضلعی ہیڈکوارٹر دالبندین سے تقریباً 70 کلومیٹر دور تحصیل چاغی میں پیش آیا۔دونوں اہلکار چاغی بازار سے خریداری کے بعد موٹر سائیکل پر واپس ایف سی کیمپ کی طرف جا رہے تھے کہ بازار سے تقریباً دوکلومیٹر دور نامعلوم موٹر سائیکل سواروں نے ان پر فائرنگ کر دی جس کے نتیجے میں دونوں اہلکار موقع پر ہی دم توڑ گئے-مقتولین کی شناخت راولپنڈی کے رہائشی محمد طاہر ولد طارق محمود اور تلہ گنگ کے رہائشی محمد شفیق ولد امیر خان کے طور پر ہوئی ہے -لیویز فورس نے علاقے کو گھیرے میں لے کر حملہ آور کی تلاش شروع کر دی جبکہ تحقیقات کا آغاز بھی کر دیا گیا ہے۔