آزاد کشمیر میں بھارتی حملے کا نشانہ بننے والے 7 سالہ ارتضیٰ عباس طوری کی ایک پرانی ویڈیو نے لوگوں کو دکھی کردیا۔ اس ویڈیو میں وہ شاعرِ مشرق علامہ اقبال کو خراجِ عقیدت پیش کرتے ہوئے ان کے اشعار پڑھتا دکھائی دیتا ہے۔ ویڈیو میں ارتضیٰ کہتا ہے، "میں اقبال کا جنم دن منانے جا رہا ہوں", اور پھر معصوم انداز میں پڑھتا ہے: "تو شاہین ہے، پرواز ہے کام تیرا، ترے سامنے آسمان اور بھی ہیں" یہ وہی بچہ ہے جو لیفٹیننٹ کرنل ظہیر عباس طوری کا بیٹا تھا، اور 6 اور 7 مئی کی درمیانی شب بھارتی گولہ باری کے باعث شہید ہوا۔ ارتضیٰ کی نمازِ جنازہ ادا کر دی گئی، جبکہ ویڈیو سامنے آتے ہی سوشل میڈیا پر دکھ اور خاموشی کی فضا چھا گئی۔ View this post on Instagram A post shared by Pakistani.Celebrities 🇵🇰 (@pakistani.celebrities) صارفین نے نہ صرف دکھ کا اظہار کیا بلکہ ننھے بچے کے والدین کے لئے صبر کی دعائیں بھی کیں۔ ارتضیٰ کی یاد اب ان اشعار میں زندہ ہے، جو وہ یقین اور خلوص سے پڑھ رہا تھا۔