اسلام آباد ہائیکورٹ نے بانی پاکستان تحریک انصاف (پی ٹی آئی) کی پیرول پر رہائی کے لیے دائر درخواست سماعت کیلئے مقرر کردی۔ وزیراعلیٰ خیبرپختونخوا علی امین گنڈاپور کی جانب سے اسلام آباد ہائیکورٹ میں بانی پی ٹی آئی کی پیرول پر رہائی کے لئے درخواست دائر کی گئی تھی جسے عدالت نے سماعت کے لیے مقرر کردیا ہے اور قائم مقام چیف سرفراز ڈوگر کل سماعت کریں گے۔علی امین گنڈا پور کی جانب سے درخواست میں موجودہ حالات کے پیش نظر بانی پی ٹی آئی کو پیرول پر رہا کرنے کی استدعا کی گئی ہے۔