اسرائیل اور ایران کے مابین جاری جنگ کے باعث دو دن میں دنیا بھر کی چھ ہزار پرواز منسوخ کر دی گئی ہیں۔ ایوی ایشن ذرائع کے حوالے سے بتایا کہ ایران اسرائیل جنگ کے بعد سب سے زیادہ اسرائیل کا تل ابیب ائیر پورٹ متاثر ہوا ہے۔جبکہ دمشق، بغداد، تہران، بیروت اور امان کوئین ائیرپورٹ بھی مسلسل بند ہیں۔ایران، شامل کے شہر بغداد اور اسرائیل کی فضائی حدود دو روز سے مسلسل بند ہے جبکہ اردن لبنان شام کی فضائی حدود سے مخصوص پروازیں پیشگی اجازت سے جزوی طور پر گزر سکی ہیں۔ذرائع کے مطابق اسرائیل کے تل ابیب ائیرپورٹ سے چوالیس ممالک کے لیے یومیہ سو ائیرپورٹس کی پروازیں آپریٹ کی جاتی ہیں۔جبکہ اردن کے امان کوئین عالیہ ائیرپورٹ سے روزانہ چالیس ملکوں کے اکیاسی ائیرپورٹ کی پروازیں چلائی جاتی ہیں۔شام کے دمشق ائیرپورٹ سے تیرہ ملکوں کی ملکوں کے بیس ائیرپورٹس پر سروس فراہم کی جاتی ہے جبکہ عراق کے بغداد ایئرپورٹ سے اٹھارہ ممالک کے بتیس ائیرپورٹس کی پروازیں آتی جاتی ہیں۔