آج کل شدید گرمی میں اے سی کا استعمال ناگزیر ہے مگر اس کے ساتھ بجلی کا بھاری بل ایک بڑی پریشانی بن جاتا ہے۔ خوشخبری یہ ہے کہ کچھ سادہ مگر مؤثر تدابیر اختیار کر کے آپ اے سی چلاتے ہوئے بھی بجلی کے بل میں واضح کمی لا سکتے ہیں۔اے سی کے باوجود بجلی کے بل میں کمی کے 6 مؤثر طریقے:1. اے سی کا درجہ حرارت مناسب رکھ کر بند کردیں بہت کم درجہ حرارت (مثلاً 18 یا 20°C) اے سی پر دباؤ بڑھاتا ہے اور بجلی زیادہ استعمال ہوتی ہے۔     اس کا درجہ حرارت تھوڑا بڑھائیں اور کمرا ٹھنڈا ہوجانے پر بند کردیں۔2. دروازے اور کھڑکیاں بند رکھیں کمرے کو بند رکھیں تاکہ ٹھنڈک باہر نہ جائے۔    ہر بار دروازہ کھولنے سے اے سی کو زیادہ کام کرنا پڑتا ہے، جس سے بل بڑھتا ہے۔3. پنکھے کے ساتھ اے سی کا استعمال کریں اے سی چلا کر چھت کا پنکھا بھی ساتھ چلائیں تاکہ ٹھنڈی ہوا پورے کمرے میں پھیل سکے۔  اس سے اے سی کو زیادہ بار آن اور آف ہونے کی ضرورت نہیں پڑتی اور بجلی کی بچت ہوتی ہے۔4. اے سی فلٹرز کی صفائی باقاعدگی سے کریں گندے فلٹرز اے سی کی کارکردگی کم کر دیتے ہیں، جس سے وہ زیادہ بجلی کھاتا ہے۔ ہر 15 سے 30 دن میں فلٹر صاف کرنا مؤثر ثابت ہوتا ہے۔5. انسولیشن بہتر بنائیں کھڑکیوں پر پردے، بلائنڈز یا انسولیشن والی فلم استعمال کریں تاکہ باہر کی گرمی اندر نہ آئے۔    چھت پر سفید پینٹ یا ٹھنڈی شیٹ بھی اندر کے درجہ حرارت کو کم رکھتی ہے۔6. اے سی کے اوقات متعین کریں اے سی کو پوری رات چلانے کے بجائے ٹائمر یا سمارٹ پلگ کا استعمال کریں تاکہ وہ مخصوص وقت پر بند ہو جائے۔   آپ سونے کے بعد 2 سے 3 گھنٹے بعد اے سی بند کر سکتے ہیں جبکہ پنکھے سے ٹھنڈک برقرار رہے گی۔