محکمہ ریلوے نے مسافر ٹرینوں کے کرایوں میں 2 فیصد اضافے کا سرکیولر جاری کردیا ۔ واضح رہے کہ 2 ہفتوں کے دوران دوسری مرتبہ کرایوں میں اضافہ کیا گیا ہے۔ اس سے قبل ریلوے نے 18 جون کو بھی کرایوں میں 3 فیصد اضافہ کیا تھا ۔ ریلوے حکام کے مطابق نان اسٹاپ ٹرین کراچی سے لاہور جانے والی ٹرین کا کرایہ چار ہزار 410 روپے تھا جو کہ 4 جولائی سے 4 ہزار 6 سو 30 روپے ہوجائیگا ،اسٹیشن مینیجرعمراقبال خان کاکہنا تھا کہ یہ ہیڈ کوراٹر کا فیصلہ ہے ۔ ریلوے کرایوں میں ہونے والا اضافہ معمول کی بات ہے ، ریلوے کے کرایوں پر پیٹرولیم مصنوعات کی قیمتوں میں اضافے کا اثر کرایوں کو براہ راست متاثر کرتا ہے کیونکہ ریلوے بھی ایندھن باہر سے ہی خریدتا ہے . یاد رہے کہ ریلوے کی جانب سے جاری نوٹیفکیشن کے مطابق کرایوں میں اضافے کا اطلاق 4 جولائی سے ہوگا، ریلوے حکام کا کہنا تھا کہ ڈیزل کی قیمت میں اضافے سے ریلوےکو شدید مالی نقصان کا سامنا ہے، جس کی وجہ سے کرایوں میں اضافہ نا گزیرتھا۔