سعودی عرب کے نامور شاعر سعود بن معدی الرفاعی القحطانی ایک افسوسناک حادثے میں زندگی کی بازی ہار گئے۔ رپورٹوں کے مطابق وہ عمان کے علاقے ظفار گورنریٹ میں واقع بلند اور دشوار گزار پہاڑ **جبل سمحان** پر چڑھائی کے دوران توازن کھو بیٹھے اور گہری کھائی میں گر گئے۔ حادثے کے بعد فوری طور پر طبی امداد فراہم کی گئی اور انہیں اسپتال منتقل کیا گیا، لیکن شدید چوٹوں کے باعث وہ جانبر نہ ہوسکے۔ واقعے سے کچھ وقت پہلے کی ان کی ویڈیو سوشل میڈیا پر گردش کر رہی ہے، جس میں وہ خطرناک ڈھلوان پر چڑھتے ہوئے دکھائی دیتے ہیں۔ View this post on Instagram A post shared by Life in Saudi Arabia🇸🇦- News | Entertainment | Shopping (@lifeinsaudiarabiaofficial) سعودی سفارت خانے نے تصدیق کی ہے کہ مقامی حکام کے ساتھ مل کر ان کی میت وطن واپس بھیجی جا رہی ہے۔ سعود بن معدی کا تعلق سعودی عرب کے علاقے الباحہ سے تھا اور وہ خلیجی دنیا میں اپنے منفرد اسلوب کی وجہ سے جانے جاتے تھے۔ انہوں نے عربی زبان میں 15 سے زیادہ شعری مجموعے تحریر کیے، جن میں روایت اور جدیدیت کا امتزاج نمایاں تھا۔ ان کا انتقال نہ صرف سعودی عرب بلکہ پورے عرب ادبی حلقوں کے لیے ایک بڑا نقصان قرار دیا جا رہا ہے۔