جہلم پولیس نےمعروف مذہبی اسکالر انجینئر محمد علی مرزا کو گرفتار کر لیا۔ ڈپٹی کمشنر جہلم کے حکم پر انہیں ایم پی او کے سیکشن 3 کے تحت گرفتار کیا گیا۔ پولیس کا کہنا ہے کہ گرفتاری کا مقصد امن و امان کی صورتحال کو برقرار رکھنا ہے۔
پولیس کے مطابق محمد علی مرزا کو جہلم کی اکیڈمی سے گرفتار کرنے کے بعد جیل منتقل کردیا گیا ہے اور اکیڈمی کو بھی سیل کر دیا تاکہ کسی بھی اجتماع یا سرگرمی کو روکا جا سکے۔
واضح رہے کہ مذہبی جماعتوں کی جانب سے ان کے خلاف درخواست دائر کی گئی تھی جبکہ مختلف علما کرام کے وفود نے ضلعی انتظامیہ سے ملاقاتیں کر کے گرفتاری کا مطالبہ کیا تھا۔