حکومت نے پٹرولیم مصنوعات کی قیمتوں میں کمی کا اعلان کیا ہے۔وزارت خزانہ کی جانب سے بدھ کی رات کو جاری اعلامیے میں کہا گیا ہے کہ پیٹرول کی قیمت میں پانچ روپے 66 پیسے فی لیٹر کمی کی گئی ہے۔ہائی سپیڈ ڈیزل کی قیمت میں ایک روپے 39 پیسے کی کمی کی گئی ہے۔کمی کے بعد پیٹرول کی فی لیٹر قیمت 263.2  روپے ہوگئی ہے جبکہ ہائی سپیڈ ڈیزل کی نئی قیمت 275.41 روپے فی لیٹر ہوگئی ہے۔نوٹفکیشن کے مطابق مٹی کے تیل کی قیمت میں تین روپے 26 پیسے جبکہ لائٹ ڈیزل آئل کی قیمے میں دو روپے 74 پیسے کمی کی گئی ہے۔ وزارت خزانہ کے مطابق نئی قیمتوں کا اطلاق بدھ کی رات 12 بجے سے ہوگا۔