ملکی درآمدات پر مال برداری کے اخراجات میں مالی سال کی پہلی سہ ماہی میں سالانہ بنیادوں پر کمی ریکارڈ کی گئی ہے۔ اسٹیٹ بینک کی جانب سے جاری کردہ اعداد وشمار کے مطابق مالی سال کی پہلی سہ ماہی میں درآمدات پر مال برداری کے اخراجات کا حجم 460.72 ملین ڈالر ریکارڈ کیا گیا جو گزشتہ مالی سال کی اسی مدت کے مقابلہ میں 14.77 فیصد کم ہے، گزشتہ مالی سال کی پہلی سہ ماہی میں درآمدات پر مال برداری کے اخراجات کا حجم 528.79 ملین ڈالر ریکارڈ کیا گیا تھا۔ ستمبر میں درآمدات پر مال برداری کے اخراجات کا حجم 152.49 ملین ڈالر ریکارڈ کیا گیا جو گزشتہ سال ستمبر کے مقابلہ میں 13.80 فیصد کم ہے، گزشتہ سال ستمبر میں درآمدات پر مال برداری اخراجات کا حجم 173.55 ملین ڈالر ریکارڈ کیا گیا تھا، اگست کے مقابلہ میں ستمبر میں درآمدات پر مال برداری کے اخراجات میں ماہانہ بنیادوں پر معمولی اضافہ ریکارڈ کیا گیا، اگست میں درآمدات پر مال برداری کے اخراجات کا حجم 151.61 ملین ڈالر ریکارڈ کیا گیا تھا جو ستمبر میں بڑھ کر 152.49 ملین ڈالر ہوگیا۔