ملک بھر میں سونے کی قیمت میں نمایاں کمی ریکارڈ کی گئی ہے۔ آل پاکستان جیمز اینڈ جیولرز ایسوسی ایشن کے مطابق فی تولہ سونا 14 ہزار روپے سستا ہو کر 4 لاکھ 16 ہزار 362 روپے پر آگیا ہے۔ اسی طرح 10 گرام سونا بھی 12 ہزار 3 روپے کمی کے بعد 3 لاکھ 56 ہزار 963 روپے میں فروخت ہو رہا ہے۔ ایسوسی ایشن کے مطابق عالمی مارکیٹ میں بھی سونا 140 ڈالر سستا ہوا، جس کے بعد بین الاقوامی قیمت 3 ہزار 940 ڈالر فی اونس پر آ گئی ہے۔ ماہرین کا کہنا ہے کہ یہ کمی ڈالر کے ریٹ اور عالمی طلب میں کمی کے باعث دیکھنے میں آئی ہے۔